14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
«Շնաձկներին թողած՝ շերեփուկների հետևից են ընկել». փողոցային առևտրականների բողոքի ակցիան՝ Կառավարության դիմաց. ՏԵՍԱՆՅՈՒԹ
Հասարակություն
08.02.2019 | 13:48
Կառավարության դիմաց կեսօրից մեկնարկել է փողոցային առևտրով զբաղվողների բողոքի ակցիան։ Նրանք պահանջում են թույլ տալ շարունակել փողոցում առևտուր անել կամ առնվազն նոր աշխատատեղեր տրամադրել։
Առևտրականները պահանջում են, որ կառավարությունը, մինչև համապատասխան տեղեր հատկացնելը, թույլ տա շարունակել առևտուրը փողոցային տարբերակով։
«Իրենք մեզ խաբեցին և ընդհանրապես տաղավարներ չտրամադրեցին։ Ինչպես միշտ խաբված ենք։ Շնաձկներին թողած՝ շերեփուկների հետևից են ընկել։ Նոյեմբերից առանց աշխատանքի ենք մնացել»,- նշում են առևտրականները։
Հիշեցնենք, որ փողոցային առևտրի կանխման մասին հունվարի 8-ին՝ ավագանու նիստի ժամանակ, հայտարարել էր քաղաքապետ Հայկ Մարությանը։ Նա նշել էր, որ քաղաքային իշխանությունները փոխզիջումային տարբերակ են գտել և պատրաստվում են փողոցային առևտրով զբաղվողներին քաղաքային շուկաներում ժամանակավոր անվճար տեղեր հատկացնել։ Փետրվարի 4-ին փողոցային առևտրով զբաղվողները կառավարության դիմաց բողոքի ևս մեկ ակցիա էին կազմակերպել։
Նելլի Մելքոնյան
