30.03.2026 | 11:11
Լիբանանում ՄԱԿ-ի մեկ խաղաղապահ է զոհվել, ևս մեկը՝ ծանր վիրավորվել
Լինելով ԵՏՄ անդամ՝ ինչո՞ւ չենք կարողանում օգտվել այդ կառույցի ընձեռած հնարավորություններից. Միքայել Մելքումյան. ՏԵՍԱՆՅՈՒԹ
Քաղաքականություն
08.02.2019 | 12:27
ՀՀ ազգային ժողովի Տարածաշրջանային և եվրասիական ինտեգրման հարցերի մշտական հանձնաժողովի փետրվարի 8-ի նիստում հանձնաժողովի փոխնախագահ ընտրվեց «Իմ քայլը» դաշինքի պատգամավոր Արմեն Փամբուխչանը․ նա ընտրվեց հանձնաժողովի անդամների միաձայն քվեարկությամբ։
Տարածաշրջանային և եվրասիական ինտեգրման հարցերի մշտական հանձնաժողովի նախագահ ԲՀԿ-ական պատգամավոր Միքայել Մելքումյանը, մասնավորապես անդրադարձավ ԵՏՄ անդամ պետությունների հետ ՀՀ-ի տնտեսական քաղաքականությանը։
«Այս փուլում մենք պետք է հասկանանք, թե ինչո՞ւ չենք կարողանում օգտվել ԵՏՄ-ի ընձեռած լայն հնարավորություններից։ Չէ՞ որ տնտեսական միություն ասելով մենք հասկանում ենք միասնական շուկա, իսկ այդ միասնական շուկա ասվածը ենթադրում է ոչ միայն ապրանքների, ծառայությունների, կապիտալի և աշխատուժի ազատ տեղաշարժ, այլ նաև ապրանքների գնագոյացման նույն պայմաններ»,-իր դիտարկումներն առանձնացրեց հանձնաժողովի նախագահը՝ շեշտելով․ «Այս հարցերը մենք գործադիրի առաջ բարձրացնելու ենք և քննարկելու ենք, թե գործադիրն ի՞նչ պարտականություններ ունի այս ինտեգրացիոն գործընթացները կազմակերպելու համար»։
Մանրամասները՝ տեսանյութում։
Աղավնի Սուքիասյան
