18.09.2026 | 11:33
Ավելին, քան պարզապես մրցանակներ․ ավարտվեց Junius ֆինանսական մրցաշարը
Տնտեսական հեղափոխություն պետք է իրականացնեն տնտեսական կյանքի մասնակիցները․ նախարար. ՏԵՍԱՆՅՈՒԹ
Հասարակություն
08.02.2019 | 11:50
Տնտեսական հեղափոխություն պետք է իրականացնեն տնտեսական կյանքի մասնակիցները, կառավարության նիստից հետո լրագրողների հետ զրույցում ասաց ՀՀ տնտեսական զարգացման և ներդրումների նախարար Տիգրան Խաչատրյանը։
«Կառավարությունն այդ մեծ խաղի կարևոր կազմակերպիչն ու մասնակիցն է ու պարտավոր է անել այնպես, որ տնտեսվարող սուբյեկտների նախագծերը կյանքի կոչելու ճանապարհին որևէ խոչընդոտ չլինի», – ասաց նա։
Նախարարը հավելեց, որ կառավարությունը հայտարարել է, որ տնտեսական աճի շարժիչը կամ ուղղորդողը լինելու է ապրանքների և ծառայությունների արտահանումը կամ Հայաստանում ստեղծված ապրանքներն արտերկրյա շուկաներում իրացնելու հնարավորությունը:
«Այսօր, կարծում եմ, 2018թ. դեռևս վերջնական ցուցանիշներ հայտարարված չեն, որ տասնորդական ճշտությամբ խոսենք, բայց 38 տոկոսի չափ ունենք ապրանքների և ծառայությունների արտահանում համախառն ներքին արդյունք նկատմամբ, հայտարարվել է, որ դրանց կշիռը համախառն ներքին արդյունքի նկատմամբ կհասնի 43-45 տոկոսի»,- նշեց նա։
Մանրամասները՝ տեսանյութում։
Լիլիթ Շաբոյան
