12.03.2026 | 17:45
Օլիգարխներին ու նախկիններին ժողովուրդը հունիսի 7-ին պետք է ուղարկի գրողի ծոցը․ Ավինյան․ ՏԵՍԱՆՅՈՒԹ
ՀՀ վարչապետից հանդիպման առաջարկին պատասխան դեռ չենք ստացել. Ստանիսլավ Զաս
Քաղաքականություն
07.02.2019 | 21:16
Բելառուսը ՀԱՊԿ գլխավոր քարտուղարի պաշտոնում իր ներկայացուցչի նշանակման հարցում կոնսենսուսի հույս ունի: ԲԵԼՏԱ-ի փոխանցմամբ՝ այս մասին ասել է Բելառուսի Անվտանգության խորհրդի պետքարտուղար Ստանիսլավ Զասը:
Աղբյուրի փոխանցմամբ՝ ՀԱՊԿ կանոնադրությունը սահմանափակ կազմով գլխավոր քարտուղարի նշանակման որոշման ընդունման հնարավորություն է նախատեսում: «Բայց դա լավագույն տարբերակը չէ: Նման որոշումները պետք է կոնսենսուսով ընդունվեն: Դա նորմալ, անխափան աշխատանքի գրավականն է: Հույս ունենք, որ առաջիկայում կոնսենսուսով որոշում կկայացվի»,- ասել է Զասը:
Նա նշել է, որ իր թեկնածության համաձայնեցման գործընթացում առայժմ առաջընթաց չկա. Հայաստանի վարչապետի հետ հանդիպում դեռ չի կայացել:
«Հայկական կողմի համար հարմար ցանկացած պահի հանդիպման առաջարկն ուղարկվել է: Առայժմ պատասխան չենք ստացել»,- հավելել է Ստանիսլավ Զասը:
Նշենք, որ ՀԱՊԿ անդամ մյուս պետությունների ղեկավարներն արդեն իրենց աջակցությունն են հայտնել Բելառուսի առաջադրած թեկնածուին:
