10.06.2026 | 20:13
Վալերի Ծառուկյանը հեռացել է «Ախմատից»
Երկու ձեռքով կողմ եմ Կառավարության այդ որոշմանը․ ծխելը համարում եմ չարիք. Նաիրա Զոհրաբյան. ՏԵՍԱՆՅՈՒԹ
Քաղաքականություն
07.02.2019 | 13:45
Ազգային ժողովի ԲՀԿ խմբակցության պատգամավոր Նաիրա Զոհրաբյանը Կառավարության ծրագիրը դեռ չի կարդացել, երբ կկարդա, կտեսնի՝ իր ցանկություններն այնտեղ ամրագրվա՞ծ են, թե՞ ոչ։ Այս մասին այսօր Ազգային ժողովում լրագրողների հետ զրույցում ասաց պատգամավորը հավելելով․ «Կառավարության ծրագիրը ԲՀԿ խմբակցությունում էլ դեռ չի քննարկվել, ուստի դրա վերաբերյալ չեմ կարող բան ասել»։
Լրագրողները պատգամավորից հետաքրքրվեցին նաև հասարակության մեջ աղմուկ բարձրացրած մեկ այլ խնդրի՝ հանրային վայրերում ծխելու արգելքի մասին։
«Երկու ձեռքով այդ որոշմանը կողմ եմ, ծխելը համարում եմ չարիք, և եթե երրորդ ձեռք էլ ունենայի, 3 ձեռքով կողմ կքվեարկեի Կառավարության այդ որոշմանը»,- նկատեց պատգամավորը։
Անդրադառնալով Գևորգ Կոստանյանի հայտնած այն տեղեկությանը, որ Ադրբեջանը ՄԻԵԴ-ում 50 մլրդ դոլարի հայց է ներկայացրել Արցախի վերաբերյալ, Նաիրա Զոհրաբյանը, որը նաև ԱԺ Մարդու իրավունքների և հանրային հարցերի մշտական հանձնաժողովի նախագահն է, պատասխանեց․ «Դա այն բազմաթիվ հայցերից մեկն է, որն Ադրբեջանը պարբերաբար ներկայացնում է ՄԻԵԴ, կարծում եմ՝ այնտեղ մեր ներկայացուցիչներն ու ՀՀ կառավարությունն ունեն բոլոր հնարավորությունները նման անհեթեթ հարցերին իրավական դաշտում հակազդելու համար, իսկ ԱԺ Մարդու իրավունքների և հանրային հարցերի մշտական հանձնաժողովը կարող է այդ հարցը քննարկել, սակայն ՄԻԵԴ-ի գործընթացների վրա ազդել չի կարող»։
Մանրամասները՝ տեսանյութում։
Աղավնի Սուքիասյան
