15.11.2024 | 13:22
Հակոբ Արշակյանը հյուրընկալել է Միկրոէլեկտրոնիկայի միջազգային ֆորումի շրջանակում Հայաստան ժամանած մի խումբ գիտնականների
Մակունցը դրժել է խոստումը, խնդիր չկա, վերսկսում եմ հացադուլը. Հովհաննես Գալստյան. ՏԵՍԱՆՅՈՒԹ
Հասարակություն
07.02.2019 | 13:42
Կինոռեժիսոր Հովհաննես Գալստյանը Ազգային ժողովի այգում շարունակում է փետրվարի 3-ից սկսած հացադուլը։ Նախապես հայտնի էր դարձել, որ այսօրվանից նաև ջրադուլ է սկսելու, սակայն ընկերների հորդորից հետո հետ է կանգնել այդ որոշումից։
Factor.am-ի հետ զրույցում կինոռեժիսորն ասում է, որ ֆիլմի ֆինանսավորման դադարեցումն ապօրինի է, և դա է իրեն դրդել դիմելու դատարան:
«Մեր հակառակորդները ձգձգում են դատական գործընթացը՝ հասկանալով, որ ձգձգելով տապալում են ֆիլմը։ Մարտի 1-ից մենք պետք է սկսենք մեր նկարահանումների նախապատրաստական աշխատանքները, վերջ այլ տարբերակ չկա»,- նշում է կինոռեժիսորը։
Սա կինոռեժիսորի առաջին հացադուլը չէ։ Առաջին հացադուլը դեկտեմբերի 2-ից 12-ն էր։ Մշակույթի նախկին նախարար Լիլիթ Մակունցի հետ հանդիպելուց և երաշխիքներ ստանալուց հետո, կինոռեժիսորը դադարեցրեց հացադուլը, այդուհանդերձ, փետրվարի 3-ից վերսկսեց։
«Հայաստանի կինոյի պատմության մեջ իմ ֆիլմն արտասահմանից ամենամեծ աջակցություն ստացածն է։ Պետությունը մեզ 70 միլիոն դրամ պետք է տա, որպեսզի շարունակենք ֆիլմի նկարահանման աշխատանքները։ Լիլիթ Մակունցի հետ հանդիպում ենք ունեցել, սակայն նա դրժել է իր խոստումը, խնդիր չկա․ վերսկսում եմ հացադուլը»,- ընդգծում է Հովհաննես Գալստյանը։
Հիշեցնենք, որ «Տատիկիս վարսերը» ֆիլմի նկարահանման աշխատանքները մեկնարկել են դեռ 2015-ին և Հովհաննես Գալստյանն Ազգային կինոկենտրոնի հետ պայմանագիր է կնքել առ այն, որ վերջինս 2016-18թթ․ կհատկացնի ֆիլմի բյուջեի մինչև 30%-ը՝ 88 մլն դրամ: Կարճ ժամանակ անց, սակայն, Մշակույթի նախարարությունից տեղեկացրել են, որ կանոնակարգ է փոխվել։
Մանրամասները՝ տեսանյութում:
Նելլի Մելքոնյան
