02.07.2026 | 19:10
Դիակի վրա կարող ա մարդուն բռնես՝ գնան արդարանան, դուրս գան․ Փաշինյանը՝ դատական համակարգի մասին․ ՏԵՍԱՆՅՈՒԹ
Մամուլի մասին օրենքը շատ հին է, չի տարածվում կայքերի վրա, նրանք աշխատում են օրենքից դուրս. Թագուհի Թովմասյան. ՏԵՍԱՆՅՈՒԹ
Հասարակություն
07.02.2019 | 12:46
Մամուլի վերաբերյալ ցանկացած փոփոխության նկատմամբ շատ զգուշավոր պետք է լինենք, այս դաշտի վերաբերյալ ցանկացած ազդակ պետք է լսենք մեր գործընկերներից։ Այս մասին այսօր՝ փետրվարի 7-ին, ԱԺ Մարդու իրավունքների և հանրային հարցերի մշտական հանձնաժողովի նիստում ասաց ԱԺ «Իմ քայլը» խմբակցության պատգամավոր Թագուհի Թովմասյանը։
«Մենք ունեինք բավականին հետաքրքիր նախագծեր, որոնք չհասցրինք կյանքի կոչել նախորդ գումարման Ազգային ժողովի մեր գործընկերների հետ։ Խնդիրն այն է, որ մամուլի մասին օրենքը շատ հին է և չի տարածվում կայքերի վրա, դրա համար էլ կայքերն աշխատում են օրենքից դուրս, որովհետև այն տարրական պահանջները, որոնք կան՝ հասցե, խմբագրակազմ և այլն, օրենքով չի պահանջվում, դրա համար էլ կայքերը չունեն։ Եթե օրենքն արդիականացնեն, բնականաբար, կայքերը կմտնեն այդ դաշտ, իսկ այն կայքերը, որոնք չեն մտնի, մենք դրանց կհամարենք ոչ թե լրատվամիջոց, այլ բլոգ»,- իր դիտարկումները ներկայացրեց պատգամավոր Թովմասյանը՝ առաջարկելով մամուլի մասին օրենքի քննարկման ժամանակ հրավիրել նաև «Իմ քայլը» խմբակցության պատգամավորներին՝ միասնական մեկ փաստաթղթի շուրջ աշխատելու համար։
Մանրամասները՝ տեսնայութում։
Աղավնի Սուքիասյան
