28.09.2026 | 15:51
«Անկախ դիտորդը» ՏԻՄ ընտրություններում 31 խախտում է արձանագրել
Կարծում եմ՝ ՀԱՊԿ երկրների ղեկավարները ճիշտ որոշում կկայացնեն. Սիդորովը՝ նոր գլխավոր քարտուղարի նշանակման մասին
Քաղաքականություն
06.02.2019 | 17:02
ՀԱՊԿ անդամ երկրների ղեկավարները ճիշտ որոշում կկայացնեն կազմակերպության նոր գլխավոր քարտուղար նշանակելու հարցում: Հունվարի 6-ին Երեւան-Մոսկվա-Մինսկ-Բիշքեկ-Աստանա տեսակամրջի ժամանակ այս մասին ասաց ՀԱՊԿ միացյալ շտաբի պետ, գեներալ-գնդապետ Անատոլի Սիդորովը՝ պատասխանելով հարցին՝ հնարավո՞ր է, արդյոք, որ այդ պաշտոնում կընտրվի Հայաստանի ներկայացուցիչը:
«Կարծում եմ՝ կազմակերպության անդամ պետությունների ղեկավարներն իմաստուն և փորձառու մարդիկ են ու ճիշտ որոշում կկայացնեն ՀԱՊԿ գլխավոր քարտուղարի հարցում: ՀԱՊԿ միացյալ շտաբն աշխատանքային մարմին է: Մենք խնդիրներ ունենք, և աշխատում ենք դրանց կատարման ուղղությամբ: Իսկ գլխավոր քարտուղարի հարցով որոշում կայացնողներ կան»,- ասաց Սիդորովը։
Հիշեցնենք, որ ՀԱՊԿ գլխավոր քարտուղարի պաշտոնը թափուր է Յուրի Խաչատուրովի հետկանչից հետո. Երևանը նման նախաձեռնությամբ հանդես եկավ Մարտի 1-ի գործով նրան որպես մեղադրյալ ներգրավելուց հետո: ՀԱՊԿ գլխավոր քարտուղարի պարտականություններն այժմ կատարում է Վալերի Սեմերիկովը:
Եվ չնայած ՀԱՊԿ-ն ղեկավարելու՝ Հայաստանի ժամկետի ավարտին դեռ շուրջ երկու տարի ժամանակ կա, Բելառուսն ամեն ինչ անում է՝ գլխավոր քարտուղարի պաշտոնում իր ներկայացուցչին նշանակելու համար: Մինսկը որպես թեկնածու առաջադրել է Ստանիսլավ Զասին և ստացել կազմակերպության անդամ երկրների համաձայնությունը՝ Հայաստանից բացի:
Նշենք, որ ըստ ՀԱՊԿ կանոնադրության՝ գլխավոր քարտուղարը նշանակվում է լիարժեք կոնսենսուսով:
