18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Արփինե Հովհաննիսյանը երբևիցե չի դիմել և չի առաջարկել իր հետ հանդիպել. Ռուբեն Ռուբինյան. ՏԵՍԱՆՅՈՒԹ
Քաղաքականություն
06.02.2019 | 16:26
Տիկին Հովհաննիսյանն ինձ հետ երբևիցե կապ չի հաստատել և չի առաջարկել հանդիպել, և հետևաբար ես չեմ մերժել, քանի որ առաջարկ չի եղել:
Այս մասին այսօր Ազգային ժողովում ԵԽԽՎ ձմեռային նստաշրջանի աշխատանքների ամփոփիչ ասուլիսի ժամանակ ասաց ԵԽԽՎ հայաստանյան պատվիրակության ղեկավար Ռուբեն Ռուբինյանը՝ ի պատասխան հարցին՝ ինչո՞ւ չի հանդիպել ԵԽԽՎ նախկին պատվիրակության նախագահ Արփինե Հովհաննիսյանի հետ։
«Պատվիրակությունը մեկնել է Ստրասբուրգ պատվիրակության կազմի հաստատման հաջորդ օրը։ Ես նաև նշեմ, որ որևէ անձի հետ՝ ներառյալ նախկին իշխանության ներկայացուցչի հետ հանդիպելու և փորձի փոխանակման խնդիր չունեմ, եթե դրա նպատակը ՀՀ շահերի սպասարկումն է»,-ասաց պատվիրակության ղեկավարը։
Հիշեցնենք, որ Արփինե Հովհաննիսյանն իր ֆեյսբուքյան էջում գրել էր, որ իր փորձը և արժեքավոր տեղեկությունները Ռուբեն Ռուբինյանին ներկայացնելու այլ հարթակ և ձևաչափ, քան «Ֆեյսբուքն» է, չունեցավ:
Մանրամասները՝ տեսանյութում։
Աղավնի Սուքիասյան
