28.09.2026 | 16:43
Ռուբինյանի գլխավորած պատվիրակությունը կմեկնի Հռոմ
Որոշում ենք կայացրել, որ «Իմ քայլը» պետք է մեծամասնություն կազմի. Մակունցը՝ ընդդիմությանը չհասած պատվիրակությունների մասին. ՏԵՍԱՆՅՈՒԹ
Քաղաքականություն
06.02.2019 | 15:27
Քիչ առաջ ավարտվեց Ազգային ժողովի խորհրդի նիստը, որտեղ հաստատվեցին միջազգային պատվիրակությունների կազմերը: Այս մասին նիստից հետո ասաց ԱԺ «Իմ քայլը» խմբակցության ղեկավար Լիլիթ Մակունցը:
Factor.am-ի հարցին՝ ինչո՞ւ «Լուսավոր Հայաստան» և «Բարգավաճ Հայաստան» խմբակցությունները չկան, համապատասխանաբար, Սևծովյան տնտեսական համագործակության կազմակերպության և ՆԱՏՕ-ի պատվիրակություններում, Մակունցը պարզաբանեց. «Պատվիրակություններում ներգրավվածությունը հասկանալու համար որոշել էինք համամասնության ձևաչափը կիրառել, և այդ համամասնության համաձայն՝ «Իմ քայլը» խմբակցությունը պատվիրակություններում մեծամասնություն է կազմում: Այդպիսի որոշում ենք կայացրել, որ պետք է մեծամասնություն կազմի: Առանձին դեպքերում մենք փոխզիջման տարբերակի գնում ենք և գնացել ենք, օրինակ՝ ԵԽԽՎ-ի պատվիրակության պարագայում»:
Լիլիթ Մակունցը նաև հայտարարեց, որ ընդդիմադիր խմբակցությունները որոշ հարցերի շուրջ կոնսենսուսի չեն կարողացել գալ: «Մենք առաջարկեցին ռոտացիոն սկզբունքը, բայց դա ևս մերժվեց»,- ասաց նա:
Ավելի վաղ գրել էինք, որ երեկ ԱԺ Խորհրդի նիստն անցել է լարված, «Իմ քայլը» և ընդդիմադիր խմբակցությունները միմյանց չեն հասկացել:
Մանրամասները՝ տեսանյութում:
