15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
«Ինքնաձիգները դրեցին վզներիս և ստիպեցին գնալ գունդ». Վարդան Եղիազարյան. ՏԵՍԱՆՅՈՒԹ
Հասարակություն
06.02.2019 | 13:45
Երևանի ընդհանուր իրավասության դատարանում այսօր տեղի ունեցավ «Սասնա ծռերի» գործով հերթական դատական նիստը:
Դատարանում ցուցմունք տվեց ՀՀ ոստիկանապետի նախկին տեղակալ Վարդան Եղիազարյանը:
Նա նշեց, որ շատ լավ է հիշում՝ ինչպես է ամեն բան տեղի ունեցել:
«Ինքնաձիգները դրեցին վզներիս և ստիպեցին գնալ գունդ»,- նշեց Վարդան Եղիազարյանը: Նա ավելացրեց, որ ՊՊԾ գնդի տարածքում իրեն և Վալերի Օսիպյանին առանձին էին պահում, հեռախոսից օգտվելու թույլտվությունն էլ «ընտրովի» էր լինում։
Ոստիկանապետի նախկին տեղակալն ավելացրեց, որ խմբավորման անդամների հիմնական պահանջը Ժիրայր Սեֆիլյանին ազատ արձակելն էր:
«Մեր «կալանապետը» պարոն Կյուրեղյանն էր: Նա մշտապես մեզ հետ սենյակում էր գտնվում՝ զենքը սեղանին, ձեռքը՝ նռնակի օղակին գցած։ Երկու սերժանտ կար, ես և պարոն Օսիպյանը: Բարբարոսական վերաբերմունք էր. ամեն ինչ ջարդած, թափված: Դա մեծ նյութական վնաս էր»,- նշեց Եղիազարյանը:
Մանրամասները՝ տեսանյութում:
Նելլի Մելքոնյան
