29.06.2026 | 13:37
Ինչո՞ւ եք 4 օր անց արձագանքել ժամը 20-ից հետո ընթացող քվեարկություններին․ ՍԴ դատավորը՝ ԿԸՀ նախագահին․ ՏԵՍԱՆՅՈՒԹ
Սերժ Սարգսյանի եղբոր՝ Լևոն Սարգսյանի խափանման միջոցի հարցով Դատախազությունը բողոք է ներկայացրել
Հասարակություն
06.02.2019 | 11:55
ՀՀ երրորդ նախագահ Սերժ Սարգսյանի եղբոր՝ Լևոն Սարգսյանի խափանման միջոցի հարցով Գլխավոր դատախազությունը բողոք է ներկայացրել: Factor.am-ին այս մասին տեղեկացրեց դատախազության հանրային կապերի պատասխանատու Արևիկ Խաչատրյանը:
Նշենք, որ Լևոն Սարգսյանը մեղադրվում է հայտարարագրման ենթակա գույքը թաքցնելու և ապօրինի հարստացման համար: Նրան կալանավորելու որոշումը մի քանի ամիս վիճարկվում է դատարաններում:
Լևոն Սարգսյանը գործով որպես մեղադրյալ ներգրավվել է 2018 թվականի հուլիսին. դատարանը բավարարել էր նախաքննական մարմնի միջնորդությունը և կալանավորելու որոշում կայացրել. Սարգսյանի նկատմամբ հետախուզում է հայտարարվել:
Սարգսյանին կալանավորելու՝ դատարանի որոշման դեմ պաշտպանական կողմը մի քանի ամիս առաջ բողոք է ներկայացրել Վերաքննիչ դատարան, դատարանը բեկանել է առաջին ատյանի դատարանի որոշումը և գործն ուղարկել առաջին ատյանի դատարան՝ նոր քննության: Առաջին ատյանի դատարանը հիմնավոր է համարել Լյովա Սարգսյանի նկատմամբ խափանման միջոց կալանավորումն ընտրելը, սակայն առաջադրված մեղադրանքներից մեկով կալանքի կիրառման պայմանի առկայության հետ կապված խնդիր է տեսել, ինչն էլ դատախազությունն այժմ բողոքարկել է Վերաքննիչ դատարանում:
Աղավնի Սուքիասյան
