16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Կառավարությունը փոխեց «Հանրային ծառայության մասին» օրենքը. այսուհետ խորհրդի նախագահ կարող են ընտրվել նաև բարձրաստիճան պաշտոնատար անձինք
Քաղաքականություն
06.02.2019 | 11:58
ՀՀ Կառավարությունը փետրվարի 6-ի նիստում փոխոխություն կատարեց «Հանրային ծառայության մասին» օրենքում:
Ընդունված որոշմամբ՝ «Խորհրդի նախագահ չեն կարող ընտրվել բարձրաստիճան պաշտոնատար անձինք» բառերը փոխարինվեցին «Խորհրդի նախագահ կարող է ընտրվել Հանրային պաշտոն զբաղեցնող անձը (բացառությամբ ՀՀ նախագահի, պատգամավորի, Կառավարության անդամի, ինքնավար պաշտոն զբաղեցնող անձի) կամ հանրային ծառայողը, եթե դա ուղղակիորեն առնչվում է իր պաշտոնավարման ոլորտի քաղաքականության իրականացման հետ» բառերով։
Նշվում է, որ որոշման նախագծի ընդունումը կնպաստի պետական մասնակցությամբ ընկերությունների տնօրենների խորհուրդների իրավասությունների՝ առավել արդյունավետ իրականացմանը, կվերանա «բարձրաստիճան պաշտոնական անձանց» խորհրդի նախագահ ընտրվելու սահմանափակումը, մասնավորապես՝ նախարարի տեղակալները, որոնք համակարգում են ոլորտները և ունեն խորհրդի նախագահի պաշտոնում պահանջվող կարգավիճակ և կառավարչական հմտություններ, կարող են ընտրվել այդ պաշտոնում:
