15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Խաղաղապահների ակցիան չկայացավ. ՊՆ-ից պնդում են՝ նրանց աշխատավարձերը չեն նվազել
Քաղաքականություն
05.02.2019 | 18:48
Խաղաղապահ ուժերի մի խումբ աշխատակիցներ այսօր հայտարարություն էին տարածել, որ այսօր ժամը 16:00-ին ՀՀ կառավարության դիմաց պատրաստվում են բողոքի ակցիա անցկացնել՝ պահանջելով աշխատավարձերի վերանայում: Նրանց պնդմամբ՝ իրենց աշխատավարձերը նվազել են:
Կառավարության շենքի մոտ ակցիան լուսաբանելու համար հավաքված լրագրողները ցուցարարներին երկար սպասեցին, սակայն ակցիան այդպես էլ չկայացավ. ցուցարարները չեկան։ Ակցիայի մասնակիցներից մեկը լրագրողներին փոխանցեց, որ իրենց պահանջները բավարարվել են, և ակցիան չեղարկվել է:
Ամեն դեպքում՝ Factor.am-ը Պաշտպանության նախարարությունից փորձեց պարզել, թե ինչո՞ւ է նվազել խաղաղապահների աշխատավարձը:
«Զինված ուժերում բոլորի, այդ թվում՝ ձեր նշած կատեգորիայի անձանց աշխատավարձը ֆիքսված է, օրենքով սահմանված կարգով ստացվող աշխատավարձ է, այն չի պակասել և չի էլ կարող պակասել»,- ասաց ՊՆ մամուլի խոսնակ Արծրուն Հովհաննիսյանը:
Լիլիթ Շաբոյան
