03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
«Քաղաքապետը չի տրամադրում կայանատեղիներ, ոստիկանապետն էլ տուգանում է». տաքսու վարորդների բողոքը. ՏԵՍԱՆՅՈՒԹ
Հասարակություն
05.02.2019 | 15:22
Տաքսու վարորդներն այսօր հրավիրված ասուլիսի ընթացքում պահանջում էին քաղաքապետ Հայկ Մարությանի հրաժարականը՝ նշելով, որ հեղափոխությունից հետո այս ոլորտում ոչ մի բարեփոխում չի նկատվում:
Տաքսիների համար նախատեսված կայանատեղիների բացակայության պատճառով վարորդները տուգանվում են. իրենց խոսքով՝ անտեղի:
«Քաղաքապետը չի տրամադրում կայանատեղիներ, ոստիկանապետն էլ տուգանում է: Պահանջում ենք, որ քաղաքապետարանը զբաղվի տաքսու ոլորտով»,- նշում է տաքսու վարորդ Էմիլ Սահակյանը:
Վարորդների պահանջների մեջ նաև անօրինական կայանատեղիների տուգանքի չափն է: Ըստ նրանց՝ տուգանքը 5000-ից պետք է առնվազն 1000 դրամի հասցվի:
Հիշեցնենք, որ հունվարի 23-ին տաքսու վարորդները կարմիր գծերի, տեսախցիկների ու կայանատեղիների վերաբերյալ բողոքի ակցիա էին իրականացնում քաղաքապետարանի դիմաց՝ պահանջելով հանդիպում քաղաքապետ Հայկ Մարությանի հետ: Այդուհանդերձ, հանդիպումը չկայացավ:
Մանրամասները՝ տեսանյութում:
Նելլի Մելքոնյան
