03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
ՀՀ ԱԳՆ-ն կբարձրացնի Ադրբեջանին իսրայելական անօդաչուների վաճառքի հարցը. ՏԵՍԱՆՅՈՒԹ
Քաղաքականություն
05.02.2019 | 13:31
Մեր տարածաշրջանում սպառազինությունների մրցավազքը չափազանց վտանգավոր է, և Հայաստանը միջազգային գործընկերներին մշտապես կրկնելու է այդ ուղերձը: Փետրվարի 5-ին լրագրողների հետ ճեպազրույցում այս մասին ասաց ՀՀ ԱԳՆ մամուլի խոսնակ Աննա Նաղդալյանը՝ պատասխանելով Ադրբեջանին իսրայելական անօդաչուների վաճառքի մասին հարցին:
Նշենք, որ իսրայելական Aeronautics Defense Systems ընկերությանը կրկին թույլատրվել է Ադրբեջանին անօդաչու թռչող սարքեր վաճառել, թեև ավելի վաղ Իսրայելի իրավապահները հետաքննություն են սկսել անօդաչուներ արտադրող այս ընկերության դեմ:
Աննա Նաղդալյանը նշեց, որ Հայաստանի ԱԳՆ-ն Բաքվին իսրայելական անօդաչու թռչող սարքերի հարցը բարձրացնելու է ինչպես երկկողմ հանդիպումներում, այնպես էլ բազմակողմ հարթակներում:
«Տարածաշրջանում սպառազինությունների մրցավազքը մշտապես բարձր է եղել մեր օրակարգում, և մենք բարձրաձայնել ու բարձրաձայնելու ենք այս խնդրի մասին ինչպես երկկողմ հանդիպումների ժամանակ, այնպես էլ բազմակողմ հարթակներում: Եվ այս հարցը բացառություն չի լինելու: Պետք է ընդգծենք և մեր միջազգային գործընկերներին մշտապես կրկնենք այն ուղերձը, որ մեր տարածաշրջանում սպառազինությունների մրցավազքը չափազանց վտանգավոր է»,- ընդգծեց ԱԳՆ խոսնակը:
