14.12.2024 | 19:57
Ինչ իրավիճակ է ճանապարհներին 19։35-ի դրությամբ
Նիկոլ Փաշինյանն Իրան կայցելի փետրվարի վերջին. ԱԳՆ-ն օրակարգի մանրամասները դեռ չի հայտնում. ՏԵՍԱՆՅՈՒԹ
Քաղաքականություն
05.02.2019 | 13:01
Վարչապետ Նիկոլ Փաշինյանն Իրան կայցելի փետրվարի վերջին, ԱԳ նախարարությունն այս պահին հանդիպումների օրակարգի մանրամասներ հայտնել չի կարող: Փետրվարի 5-ին տեղի ունեցած ճեպազրույցում ասաց ՀՀ ԱԳՆ խոսնակ Աննա Նաղդալյանը:
«Դեռ չեմ կարող օրակարգի հետ կապված որոշակի մանրամասներ բացահայտել, ուղղակի ասեմ, որ այցի ընթացքում անդրադարձ է կատարվելու երկկողմ օրակարգի այն ողջ սպեկտրին, որը բնորոշ է բարիդրացիական հարաբերություններ ունեցող երկու երկրներին»,- ասաց խոսնակը:
Այս ամիս արտասահմանյան այցեր կունենա նաև ԱԳ նախարար Զոհրաբ Մնացականյանը. փետրվարի 7-8-ը նա պաշտոնական այցով կլինի Տալլինում, իսկ 16-18-ին կմասնակցի Մյունխենի անվտանգության համաժողովին:
