09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
«Քոչարյանը պոստ ֆակտում է տեղեկացել մարտի 1-ի լուսադեմին կատարվածի մասին». Քոչարյանի պաշտպան. ՏԵՍԱՆՅՈՒԹ
Հասարակություն
04.02.2019 | 19:17
ՀՀ երկրորդ նախագահ Ռոբերտ Քոչարյանի գործով դատական նիստն ավարտվեց։ Նիստի ավարտից հետո Քոչարյանի պաշտպան Հայկ Ալումյանը լրագրողների հետ զրույցում նշեց, որ դատավարությունը լիարժեք է անցել, բոլոր կողմերին հնարավորություն է տրվել անհրաժեշտ փաստարկներ ներկայացնել։
Անդրադառնալով նիստի ընթացքում հնչած հարցերին, Ալումյանը նշեց, որ մասնավորապես քննարկվել են Մարտի 1-ի արյունալի դեպքերի ընթացքում բանակի օգտագործմանն առնչվող հարցեր։
Ռոբերտ Քոչարյանի պաշտպանը նշեց, որ դատական նիստի ընթացքում քննարկվել է նաև ՀՀ երկրորդ նախագահի անձեռնմխելիության հարցը։
«Պարոն Քոչարյանին անգամ չի էլ մեղսագրվում, որ ինքն է բանակին նման հրահանգ տվել։ Երբ մարտի 2-ին աշխատանքի է եկել, նոր զեկուցել են, որ այդպիսի բան է տեղի ունեցել։ Պարոն Քոչարյանին պոստ ֆակտում են զեկուցել առավոտվա իրադարձությունների մասին»,- նշեց Հայկ Ալումյանը։
Պաշտպանի խոսքով՝ նիստի ավարտին 30 րոպե տևողությամբ ելույթով հանդես է եկել նաև երկրորդ նախագահը՝ արձագանքելով իրեն վերագրվող մեղադրանքներին։
Նա ընդգծեց, որ Քոչարյանը մասնավորապես նշել է, թե դեռ մինչև Մարտի 1-ի բուն իրադարձություններն ԱԱԾ պետից պարբերաբար զեկույցներ է ստացել այն մասին, որ Ազատության հրապարակում երեկոյան ժամերին զինված անձինք կան։
Մանրամասները՝ տեսանյութում:
Նելլի Մելքոնյան
