03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
«Ռեստարտ» ուսանողական նախաձեռնությունը՝ Ամալյա Կոստանյանի անվան մրցանակակիր. ՏԵՍԱՆՅՈՒԹ
Հասարակություն
04.02.2019 | 17:51
Ամալյա Կոստանյանի անվան 2018 թվականի մրցանակն այս տարի շնորհվեց «Ռեստարտ» ուսանողական նախաձեռնությանը։ Մրցանակն ստացան քաղաքացիական ակտիվիստ Դավիթ Պետրոսյանը և Շուշան Հարությունյանը՝ սկզբունքային ու խիզախ գործունեության և քաղաքացիական հասարակության զարգացման գործում նշանակալի ներդրման համար:
Մրցանակը սահմանվել է «Թրանսփարենսի Ինթերնեշնլ Հայաստան» և «Բաց հասարակության հիմնադրամներ-Հայաստան» կազմակերպությունների կողմից։ «Ռեստարտ» նախաձեռնությունը հայտնի դարձավ հատկապես Պարտադիր զինվորական ծառայությունից տարկետման իրավունքի վերացման դեմ բողոքի գործողություններից հետո։
Համալսարանական ակտիվիստների համառ պայքարի շնորհիվ սահմանվեց տարկետման իրավունքի առավել ընդունելի կարգ, քան նախատեսում էր Կառավարությունը։
Նախաձեռնության անդամները աչքի ընկան նաև թավշյա հեղափոխության օրերին։ Ուսանողների պայքարի արդյունքում տևական օրեր մայրաքաղաքի կենտրոնական փողոցներ մնացին արգելափակված, նրանք եղան պայքարի առաջնագծում, ինչը լրջագույն աջակցություն էր հեղափոխական շարժմանը։
Հիշեցնենք, որ Ամալյա Կոստանյանը եղել է ԹԻՀԿ ՀԿ-ի հիմնադիրը։ Նա կազմակերպության նախագահն էր մեկ տասնամյակ՝ մինչև 2010 թ․ իր հանկարծահաս մահը։ Նրա անվան մրցանակը շնորհվում է սկսած 2011 թվականից։
Ռոբերտ Անանյան
