13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
Էդուարդ Շարմազանովը՝ Մարտի 1-ի գործով Սերժ Սարգսյանի հարցաքննության մասին
Քաղաքականություն
04.02.2019 | 15:45
Հանրապետական կուսակցության խոսնակ Էդուարդ Շարմազանովը կուսակցության ղեկավար Սերժ Սարգսյանի հարցաքննության մասին որևէ տեղեկություն չունի։ Factor.am-ի հետ զրույցում Շարմազանովն ասաց՝ որևէ մեկնաբանություն չի տա Սարգսյանի հարցաքննության հետ կապված, քանի դեռ Մարտի 1-ի գործով զբաղվող Հատուկ քննչական ծառայությունը պաշտոնապես չի հաստատել Սերժ Սարգսյանի հարցաքննության մասին լուրը։
«Մարտի 1-ի գործի հետ կապված կա համապատասխան պետական մարմին, որը զբաղվում է այդ հարցով։ Երբ ՀՔԾ-ն պաշտոնական տեղեկություն տա, ես դրանից հետո կորոշեմ ինչպես արձագանքել կամ արձագանքե՞լ առհասարակ, թե՞ ոչ»,- ասաց ՀՀԿ խոսնակը։
Նշենք, որ այսօր մամուլը գրեց՝ Մարտի 1-ի գործով Հատուկ քննչական ծառայությունը հարցաքննել է ՀՀ երրորդ նախագահ Սերժ Սարգսյանին։ ՀՔԾ – ից, սակայն, Սերժ Սարգսյանի հարցաքննության հետ կապված որևէ մեկնաբանություն չեն տալիս։
