18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Մադուրոյին աջակցող Թուրքիայում հիշել են, որ Վենեսուելան 2005-ին ճանաչել էր Հայոց ցեղասպանությունը
Քաղաքականություն
04.02.2019 | 15:32
Վերջին օրերին Վենեսուելայում տեղի ունեցող քաղաքական խժդժությունների ֆոնին Թուրքիայի նախագահ Ռեջեփ Թայիփ Էրդողանն աջակցություն էր հայտնել պաշտոնակից Նիկոլաս Մադուրոյին. փոխանցում է ermenihaber-ը:
Ազգայնական ուղղվածություն ունեցող թուրքական «Milli gazete» լրատվական կայքում հրապարակված հոդվածում հիշեցվել է, որ Վենեսուելայի խորհրդարանը 2005 թվականին ճանաչել է Հայոց ցեղասպանությունը: Աղբյուրը շեշտել է, որ այդ ժամանակ Վենեսուելայի խորհրդարանի նախագահը եղել է հենց ներկայիս նախագահ Մադուրոն:
«2015-ի հուլիսի 14-ին Վենեսուելայի խորհրդարանը Մադուրոյի նախագահությամբ ճանաչել է, այսպես կոչված, Հայոց ցեղասպանությունը՝ պահանջելով նաև Եվրամիության անդամության շուրջ Թուրքիայի հետ բանակցությունների առկախում»,- նշվում է հոդվածում:
Թուրքական կայքը տեղադրել է նաև ժամանակին Թուրքիայի մեջլիսի նախագահ Բյուլենթ Արընչի՝ Մադուրոյին հղած նամակը, որով Արընչը դժգոհությունն էր հայտնել վերոնշյալ որոշման կապակցությամբ:
