26.06.2026 | 00:17
Իսրայելի ԱԳ նախարարը նախատեսում է կառավարությանը առաջարկել Հայոց ցեղասպանությունը ճանաչելու բանաձև
Հարկային օրենսգիրքը պետք է արտահայտի նաև առանձին խմբերի շահերը. Լիլիթ Մակունց. ՏԵՍԱՆՅՈՒԹ
Քաղաքականություն
04.02.2019 | 14:36
Փետրվարի 7-ին ֆինանսների նախարարի հետ կհանդիպենք պարգևավճարների հարցը քննարկելու: Այս մասին այսօր ԱԺ-ում լրագրողների հետ ճեպազրույցում ասաց «Իմ քայլը» խմբակցության ղեկավար Լիլիթ Մակունցը:
Լիլիթ Մակունցի կարծիքով՝ ճիշտ կլինի, որպեսզի ինքնապարգևատրումների ինստիտուտն առհասարակ վերանա. «Դա նախ դիսկոմֆորտ է հենց այն մարդկանց համար, ովքեր իրենք իրենց պարգևատրում են և ընդհանրապես, այո, վերադասը, որ նշանակում է, պետք է որոշակի չափորոշիչների համաձայն պարգևատրի, ոչ թե այս կամ այն չափով»:
Բացի պարգևավճարների հարցից, Ֆինանսների նախարար Ատոմ Ջանջուղազյանի հետ հանդիպմանը կքննարկվեն նաև հարկային օրենսգրքի փոփոխություններին վերաբերող հարցեր։
«Մենք ինքներս ունենք առանձին դիտարկումներ: Մենք կհնչեցնենք դրանք և կներկայացնենք որոշակի առաջարկներ», – մանրամասնեց Մակունցը:
Մանրամասները՝ տեսանյութում։
