02.07.2026 | 23:29
Կալանավորվել է գնդապետ Էդիկ Մալոյանը
Այսպես շարունակվելու դեպքում կա մեկ ելք՝ Նիկոլի օր առաջ հրաժարականը. Էդուարդ Շարմազանով
Քաղաքականություն
04.02.2019 | 11:36
Հայաստանի Հանրապետական կուսակցության խոսնակ Էդուարդ Շարմազանովը ֆեյսբուքի իր էջում գրառում է կատարել՝ անդրադառնալով Նիկոլ Փաշինյանի վարած քաղաքականությանը:
«Փաշինյանը ի զորու չէ դիմակայելու պետության առջև ծառացած մարտահրավերներին։
Ադրբեջանը պատրաստվում է պատերազմի, իսկ Նիկոլի իշխանությունը վարկաբեկում է Արցախի հերոսներին։
Պանթուրքիզմի վտանգն ուժեղանում է, իսկ Փաշինյանը հասարակությանը բաժանում է հեղափոխականների ու հակահեղափոխականների։
Նախկիններին վարկաբեկելու մոլուցքով տարված նա անում է հայտարարություններ, որոնք հարվածում են մեր պետական շահերին։
Բաժանարար գծեր քաշելու ու այլընտրանքային կարծիք չլսելու հեղկոմական գործելաոճը կարող է թանկ նստել մեր պետության համար։
Իշխանությունը, իսկ առավել ևս պետությունը խաղալիք չէ, որ ինչպես ուզես քշես։
Այսպես շարունակվելու դեպքում կա մեկ ելք։ Եվ այդ ելքը Նիկոլի օր առաջ հրաժարականն է»,- գրել է Շարմազանովը:
