14.12.2025 | 16:13
ՀԱԿ նախագահ է վերընտրվել Լևոն Տեր-Պետրոսյանը
Մակրոնը մտադիր է «դեղին բաճկոնների» ցույցերը դադարեցնելու նպատակով հանրաքվե անցկացնել
Քաղաքականություն
03.02.2019 | 16:29
Ֆրանսիայի նախագահ Էմանուել Մակրոնը քննարկում է «դեղին բաճկոնների» կողմից անցկացվող բողոքի ցույցերի պատճառով հանրաքվե անցկացնելու հնարավորությունը, գրում է РИА Новости-ն՝ Journal du Dimanche-ին հղումով:
Միաժամանակ, թերթը չի հստակեցնում ո՛չ հանրաքվեի թեման, ո՛չ քննարկման հանվելիք հարցերը:
Մակրոնը մտադիր է հանրաքվեն անցկացնել Եվրախորհրդարանի ընտրությունների օրը՝ մայիսի 26-ին:
Նշվում է, որ երկրի ղեկավարը ստիպված կլինի հանրաքվեի վերաբերյալ որոշում կայացնել «շատ արագ՝ մեկ շաբաթվա ընթացքում» ու այն մայիսի 26-ին նշանակելու հավանականությունը «շատ մեծ» է:
Հիշեցնենք, որ Ֆրանսիայում «դեղին բաճկոնների» բողոքի ցույցերը մեկնարկել էին նոյեմբերի 17-ին՝ վառելիքի գները չբարձրացնելու պահանջով: Այնուհետև, երկրի իշխանությունների սոցիալական քաղաքականությունից դժգոհ քաղաքացիների պահանջը համալրվել էր նորով՝ նրանք պահանջում են կառավարության հրաժարականը:
