16.11.2024 | 19:27
Հյուսիսային պողոտայում սրճարաններից մեկում բռնկված հրդեհի հետևանքով քաղաքացին դեմքի շրջանում ստացել է այրվածքներ
Մեծ Բրիտանիայի թագուհին կտարհանվի Լոնդոնից, եթե Brexit-ի հետևանքով անկարգություններ սկսվեն
Քաղաքականություն
03.02.2019 | 15:21
Մեծ Բրիտանիայի թագուհի Եղիսաբեթ II-ը կտարհանվի Լոնդոնից, եթե զանգվածային անկարգություններ սկսվեն՝ կապված Եվրամիությունից Միացյալ Թագավորության դուրս գալու հետ առանց հետագա համագործակցության համաձայնության, հաղորդում է Life-ը՝ հղում անելով The Sunday Times-ը:
Ըստ լրագրողների տեղեկությունների՝ գաղտնի նախագիծը մշակվել էր դեռևս 1962 թվականին՝ սառը պատերազմի ժամանակ՝ կուբայական ճգնաժամից հետո: Լրամշակված նախագիծը ենթադրում է թագուհուն և նրան ընտանիքի անդամներին տարհանել Լոնդոնից տարբեր գաղտնի տներ, որտեղ նրանց վտանգ չի սպառնա:
ՀԻշեցնենք, որ Մեծ Բրիտանիայի խորհրդարանը 2019 թվականի հունվարի 15-ին մերժել էր ԵՄ-ի հետ համաձայնության Մեյի առաջարկած տարբերակը: Հունվարի 22-ին Մեծ Բրիտանիայի վարչապետը Brexit-ի հարցով նոր նախագիծ է ներկայացրել: Արևմտյան լրագրողներն այն անվանել են «արջամկան օր»՝ դրանում քաղաքական գործչի որևէ «նոր առաջարկ» չգտնելով: Միևնույն ժամանակ բրիտանական պատգամավորները դեմ էին քվեարկել ԵՄ-ից դուրս գալը հետաձգելուն, քանի որ հավանականությունը մեծ է, որ այդ դեպքում գործընթացը կանցնի «ծանր» սցենարով՝ առանց կողմերի միջև որևէ գործարքի:
