18.10.2026 | 16:45
Սպիտակ տունն առաջարկել է ԵՄ-ին ավելացնել ռուսական գազի գնումները, իսկ Ուկրաինային՝ վերսկսել դրա տարանցումը․ NYT
Մեյը մտադիր է գնալ Բրյուսել և փոփոխել Brexit համաձայնագիրը
Քաղաքականություն
03.02.2019 | 12:33
Մեծ Բրիտանիայի վարչապետ Թերեզա Մեյը հայտարարել է, որ մտադիր է վերադառնալ Բրյուսել, որպեսզի փորձի փոփոխել Brexit-ի համաձայնագիրը. հաղորդում է ТАСС-ը` հղում անելով The Daily Telegraph-ին:
«Երբ վերադառնամ Բրյուսել, պայքարելու եմ Մեծ Բրիտանիայի և Հյուսիսային Իռլանդիայի համար: Ես զինված կլինեմ նոր մանդատով, նոր գաղափարներով և վճռականությամբ` հասնելու այնպիսի լուծման, ինչի համար քվեարկել է բրիտանացի ժողովուրդը` երաշխավորելով, որ Հյուսիսային Իռլանդիայի և Իռլանդիայի Հանրապետության միջև որևէ սահման չի լինելու»,- ասված է Մեյի ուղերձում:
Հունվարի 29-ին բրիտանացի խորհրդարանականները Բրիտանիայի՝ Եվրոպական միությունից դուրս գալու մասին օրինագծի վերաբերյալ երկու բանաձև են ընդունել: Նրանք պահանջել են, որ կառավարությունը խուսափի առանց գործարքի Brexit-ից, ինչպես նաև Եվրամիության հետ համաձայնագրի նախագծի տեքստից հեռացվի «backstop»-ի հակասական մեխանիզմը:
