28.09.2026 | 12:10
Թաթան կոպիտ սխալ է որակել սեպտեմբերի 27-ին համերգ ցուցադրելը // Պապիկյանն անակնկալ զորամաս է այցելել․ ԼՈՒՐԵՐ
ԱՄՆ-ում անոմալ ցրտից զոհերի թիվը հասել է 12-ի
Քաղաքականություն
01.02.2019 | 15:57
ԱՄՆ Իլինոյս նահանգի Չիկագո քաղաքում մինչև -33 աստիճան է գրանցվել։ Քաղաքի պատմության մեջ սա երբևէ գրանցված ամենացածր ջերմաստիճանն է, փոխանցում է tvc.ru-ն։
Միացյալ Նահանգների մի քանի քաղաքում մոլեգնող անոմալ ցուրտն արդեն 12 մարդու կյանք է խլել։ Բացի այդ՝ հարյուրավոր չվերթներ են հետաձգվել, ընդհատվել է երկաթուղային տրանսպորտի աշխատանքը: Ցրտի պատճառով ԱՄՆ 11 նահանգում խափանվել է նաև փոստային ծառայության աշխատանքը։
Աննախադեպ ցուրտ է գրանցվել նաև Եվրոպայում: Նախօրեին Շոտլանդիայում, Հյուսիսային Անգլիայում և Հյուսիսային Իռլանդիայում բազմաթիվ դպրոցներ են փակվել։ Մանչեսթերի և Լիվերպուլի օդանավակայանները խափանումներով են աշխատել՝ ձնամաքրման աշխատանքները չհասցնելու պատճառով։
Վատ եղանակի պատճառով խափանվել է նաև Փարիզի, Լոնդոնի ու Բրյուսելի միջև երկաթուղային հաղորդակցությունը, իսկ Ֆրանսիայում մեծ թվով պատահարներ են գրանցվել, էլեկտրահաղորդման գծեր են վնասվել։ Ուժգին քամու ուղեկցությամբ բուքը նաև Գերմանիայի արևմուտք է հասել։
Նելլի Մելքոնյան
