16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
111 մլն 898 հազար դրամ՝ միայն Երևանի քաղաքապետարանի աշխատակիցների պարգևավճարների համար. հրապարակվել է ամբողջական ցանկը
Քաղաքականություն
01.02.2019 | 16:02
Երևանի քաղաքապետարանը հրապարակել է 2018 թվականին դեկտեմբերին 13-րդ աշխատավարձ և պարգևավճար ստացած քաղաքապետարանի 432 աշխատակիցների ամբողջական ցանկը։ Ըստ դրա՝ քաղաքապետարանի անշարժ գույքի կառավարման վարչության պետ Արսեն Ամյանը ստացել է 2 մլն 49 հազար 800 դրամ պարգևավճար՝ գումարած 13-րդ աշխատավարձ՝ 346 հազար դրամ։
Հաջորդ խոշոր պարգևավճար ստացած աշխատակիցը՝ 1 մլն 944 600 հազար դրամով վարչության պետ Վիելն Արևշատյանն է։ Նա նաև ստացել է 13-րդ աշխատավարձ՝ 346 հազար դրամ։
Մյուս խոշոր պարգևատրումը ստացել է իրավաբանական վարչության պետ Զավեն Առաքելյանը՝ 1 մլն 666 հազար 670 դրամ, որին ավելացել է նաև 13-րդ աշխատավարձ՝ 346 հազար դրամ:
Քաղաքապետարանի պարգևատրված աշխատակիցների ամբողջական ցանկը՝ այստեղ:
Նշենք, որ այս ցանկում տեղ չեն գտել վարչական շրջանների աշխատակիցների պարգևատրումները:
Աղավնի Սուքիասյան
