28.09.2026 | 12:40
Հարավային Կորեան Կիևից պաշտոնական ներողություն է պահանջում հյուսիսկորեացի գերիների շուրջ սկանդալի պատճառով
ԵՏՄ պետությունների տեխնոպարկերի ղեկավարները համագործակցության հուշագիր են ստորագրել
Քաղաքականություն
01.02.2019 | 14:30
ԵՏՄ անդամ պետությունների տեխնոպարկերի ղեկավարները փետրվարի 1-ին Ալմաթիում թվային տեխնոլոգիաներին նվիրված համաժողովի ժամանակ համագործակցության մասին հուշագիր են ստորագրել՝ այն ամրագրելով «թվային ստորագրությամբ»: Այս մասին գրում է ՌԻԱ Նովոստին:
Փաստաթուղթը ստորագրել են «Ձեռնարկությունների ինկուբատոր հիմնադրամի» տնօրեն Բագրատ Ենգիբարյանը (Հայաստան), «Աստանա Հաբ» ՏՏ սթարթաթերի միջազգային տեխնոպարկի գլխավոր տնօրեն Ադլետ Նուգոժինը (Ղազախստան), «Սկոլկովո» հիմնադրամի նախագահ Արկադի Դվորկովիչը (ՌԴ), «Բարձր տեխնոլոգիաների պարկի» տնօրեն Ալթընբեկ Իսմաիլովը (Ղրղզստան):
Համաժողովի ընթացքում, որն անցկացվում է ԵՏՄ անդամ պետությունների վարչապետերի մասնակցությամբ, քննարկվում են Եվրասիայի տեխնոպարկերի ինտեգրման հեռանկերները, համատեղ նորարարական նախագծերի ստեղծումը, ՏՏ ոլորտի սթարթափերի ու երիտասարդ մասնագետների աջակցության և առաջխաղացման հարցերի շուրջ փորձի փոխանակում է իրականացվում: Նշենք, որ Հայաստանը համաժողովին ներկայացնում է փոխվարչապետ Մհեր Գրիգորյանը:
