09.06.2026 | 00:17
Մարկո Ռուբիոն շնորհավորել է Փաշինյանին
Ադրբեջանի հռետորաբանությունն ավելի է սրվելու. Արման Բաբաջանյան. ՏԵՍԱՆՅՈՒԹ
Քաղաքականություն
01.02.2019 | 14:08
Նիկոլ Փաշինյանը ներքին սպառման համար արված իր հայտարարությամբ արտաքին աշխարհին, մասնավորապես՝ Ադրբեջանին ուղերձ հղեց՝ ասելով, որ նախկինում արծարծված «խաղաղության դիմաց՝ տարածքներ» բանաձևը չի կարող ընդունելի լինել: Փաշինյան-Ալիև հանդիպումներին անդրադառնալով՝ Ազգային ժողովում լրագրողների հետ զրույցում նշեց «Լուսավոր Հայաստան» խմբակցության պատգամավոր Արման Բաբաջանյանը։ Ըստ նրա՝ իրավիճակը բավականին բարդ է։
«Կարծում եմ՝ Ադրբեջանի հռետորաբանությունը գնալով ավելի կսրվի, որովհետև նրա այն քաղաքականությունը, ըստ որի՝ փորձում էր սահմանի վրա բանավոր պայմանավորվածությամբ խաղաղություն կամ հարաբերական կայունություն ապահովել, մեզ թմրեցնելու համար էր։ Այժմ մենք ոչ մի վայրկյան իրավունք չունենք տրվել ադրբեջանական «նվերներին», որոնք, ըստ էության, դիվանագիտության ու սպառազինության մեջ դիրքային առավելության հասնելու համար ժամանակ շահելուն են ուղղված»,- նշեց Արման Բաբաջանյանը։
Մանրամասները՝ տեսանյութում
Նելլի Մելքոնյան
