10.06.2026 | 23:17
Իրաքի վարչապետը շնորհավորել է Նիկոլ Փաշինյանին ընտրություններում հաղթանակի առթիվ
ՄԻԵԴ դիմելու վերջնական որոշում դեռ չունեն
Հասարակություն
01.02.2019 | 13:22
ԱԺ նախկին պատգամավոր, այժմ կալանքի տակ գտնվող Մանվել Գրիգորյանի պաշտպանները չեն բացառում, որ կդիմեն ՄԻԵԴ, բայց դեռ վերջնական որոշում էլ չունեն։
Այս մասին Factor.am-ին ասաց փաստաբան Արսեն Մկրտչյանը․ «Քանի որ դեռևս ներպետական ատյանները վերջնականապես չենք սպառել, հստակ որևէ բան ասել չեմ կարող: Սպառելուց հետո ավելի պարզ կլինեն հետագա անելիքները: Բայց ներկա պահին չեմ էլ կարող բացառել, որ կդիմենք»: Հարցին, թե նախկինում Մանվել Գրիգորյանը դեմ էր, որ անունից Հայաստանի դեմ հայց ներկայացվի, հիմա ինչ դիրքորոշում ունի, պաշտպանը պատասխանեց․ «Հայցը պարտադիր չէ, որ կոչվի «Մանվել Գրիգորյանն ընդդեմ ՀՀ-ի», որովհետև էդ սկզբունքին դեմ է հենց Մանվել Գրիգորյանը: Բայց իրավունքի պաշտպանության առումով, արդար դատաքննության իրավունքի խախտման առումով, կարծում եմ, որ պետք է դիմել»:
Լիլիթ Շաբոյան
