10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
ՌԴ-ն Հայաստանին Սու-30 կործանիչները ներռուսաստանյան գնով է վաճառել. «Կոմերսանտ»
Քաղաքականություն
01.02.2019 | 13:18
Սու-30ՍՄ բազմաթիրախային կործանիչները, որի ձեռքբերման հարցով Երևանն ու Մոսկվան պայմանագիր են ստորագրել, Հայաստանի Զինված ուժերը կստանան արդեն 2020 թվականին: Այս մասին գրում է «Կոմերսանտը»-ը՝ հավելելով, որ Ռուսաստանը ՀԱՊԿ-ի գործընկերոջ համար լուրջ զիջումներ է արել:
«Ոչ միայն վարկ է հատկացրել, այլև օդանավերը վաճառել է ներռուսաստանյան, ոչ թե արտահանման գնով: Այս պայմանագիրը կարելի է նշանակալի համարել նաև Հայաստանի իշխանությունների և վարչապետ Նիկոլ Փաշինյանի համար. տասնամյակների ընթացքում առաջին անգամ երկրի ՌՕՈՒ-ն նոր, այլ ոչ թե օգտագործված ավիատեխնիկա կստանա»,- գրում է ռուսական պարբերականը:
Ավիացիոն արդյունաբերության ձեռնարկություններից մեկի ներկայացուցիչը պարբերականին ասել է, որ գործարքի պայմանների համաձայն՝ Հայաստանը մինչև 2020 թվականը 4 նոր Սու-30ՍՄ կստանա:
«Գործարքն իրականացվել է ՀԱՊԿ-ի գծով: Չնայած պայմանագիրը համարվում է կոմերցիոն և գնումն իրականացվում է ռուսական կողմի հատկացրած վարկային միջոցների հաշվին՝ Հայաստանի ՌՕՈՒ-ի համար օդանավերի գինը կլինի այնքան, որքան ՌԴ Զինված ուժերի համար»,- ասել է «Կոմերսանտ»-ի զրուցակիցը:
Պայմանագրով նաև նախատեսվում է, որ հայ օդաչուները կուսանեն ռուսական ռազմական հաստատություններում:
Ավելի վաղ Հայաստանի ՊՆ-ն հայտնել էր Սու-30ՍՄ բազմաթիրախային կործանիչների ձեռքբերման շուրջ ռուսական կողմի հետ համաձայնագրի կնքման մասին: Նախարարությունը, սակայն, չէր պատասխանել օդանավերի քանակի և գործարքի գումարի վերաբերյալ հարցերին։ Գերատեսչությունից հայտնել էին, որ այդ հարցերը պարունակում են դասակարգված տեղեկատվություն, որոնց մի մասը կհրապարակվի գործարքի իրագործման համապատասխան փուլերում:
