Հայաստանցիների գերակշիռ մասը Եվրամիության նկատմամբ դրական վերաբերմունք ունի. Ստեփան Գրիգորյան. ՏԵՍԱՆՅՈՒԹ

Հայաստանցիների 41.21%-ը Ռուսաստանին համարում է Հայաստանի դաշնակից պետություն, իսկ դաշնակից չհամարողները կազմում են հասարակության 19.10%-ը, Ռուսաստանը մասամբ է դաշնակից․ համարում է հարցվածների 39.70%-ը։

Այս տվյալներն այսօր հրապարակել է «Գլոբալիզացիայի և տարածաշրջանային համագործակցության վերլուծական կենտրոն»-ը։ Կազմակերպության նախագահ, քաղաքագետ Ստեփան Գրիգորյանն այսօր հրավիրված միջոցառմանը հրապարակել է այլ տվյալներ ևս։

Այսպես, ըստ հարցման արդյունքների, հարցվածների միայն 30.56%-ն է դրական պատասխան տվել հարցին, թե արդյոք Ռուսաստանը ապահովում է Հայաստանի անվտանգությունը։

Հասարակության 24.37%-ը կարծում է, որ Ռուսաստանը չի ապահովում Հայաստանի անվտանգությունը։

Ըստ կենտրոնի հրապարակած տվյալների՝ քաղաքացիների 30.03%-ի կարծիքով Ռուսաստանի հետ սերտ հարաբերությունները խոչընդոտ են Եվրամիության հետ հարաբերություններում։

Ինչպե՞ս է ազդում Ռուսաստանը Լեռնային Ղարաբաղի հակամարտության կարգավորման գործընթացի վրա, հայաստանցիների 48.53%֊ը հարցին դրական է պատասխանել։

Իսկ 51.47%-ը կարծում է, որ Ռուսաստանի ազդեցությունը այդ խնդրի կարգավորման գործում բացասական է։ Հավաքական անվտանգության պայմանագրի կազմակերպությունը (ՀԱՊԿ) չի ապահովում հայաստանցիների անվտանգությունը, այսպես է կարծում հարցվածների 32.36%-ը, միայն 20.99%֊ն է հարցին դրական պատասխան տվել, 46.65%-ը չեզոք դիրք է բռնել։

Կարծում եք ՀԱՊԿ-ը կաջակցի՞ Հայաստանին՝ Ադրբեջանի հետ պատերազմի դեպքում, հարցվածների 59.44%-հարցին «Ոչ» է պատասխանել, 40.56%-ը՝ «Այո»։ Հայաստանցիների 86.85%-ը կարծում է, որ նոր իշխանությունները պետք է ավելի խորացնեն Եվրոպական միության հետ հարաբերությունները, բացասական պատասխան է տվել 13.15%-ը։

Հարցվածների 66.71%-ը Հայաստանի ապագան կապում է Եվրամիության անդամակցության հետ, 33.29%-ը բացասական է տրամադրված։ Քաղաքացիների 69.89%-ը դրական է վերաբերվում ՆԱՏՕ-ին Հայաստանի անդամակցությանը, 30.11%֊ը դեմ է այսպիսի զարգացմանը։

Մանրամաները՝ տեսանյութում։

Ռոբերտ Անանյան