03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Արդյոք նախագահը ներում շնորհե՞լ է Մհեր Ենոքյանին․ Արդարադատության նախարարությունը դեռ չի բացում փակագծերը
Հասարակություն
01.02.2019 | 12:25
Հայաստանի Հանրապետության նախագահի աշխատակազմը ստացել է մի շարք անձանց ներման խնդրագրերի վերաբերյալ վարչապետի առաջարկությունը, և նախագահն առանց առարկությունների ստորագրել է համապատասխան հրամանագիրը:
Այս մասին երեկ մամուլի հաղորդագրություն տարածեց հանրապետության նախագահի աշխատակազմի հասարակայնության հետ կապերի վարչությունը։
«Ներման խնդրագրերի մասին հանրապետության նախագահի կողմից ստորագրված հրամանագիրը օրենքով սահմանված կարգով և ժամկետում ուղարկվել է համապատասխան լիազոր մարմին՝ Արդարադատության նախարարություն»,-ասված էր տարածված հաղորդագրության մեջ։
Factor.am-ը փորձեց Արդարադատության նախարարությունից պարզել՝ արդյոք, ըստ նախագահի ստորագրած հրամանագրի, ներում է շնորհվել ցմահ դատապարտյալ Մհեր Ենոքյանին։
Արդարադատության նախարարի աշխատակազմի տեղեկատվության և հասարակայնության հետ կապերի վարչության պետ Լուսինե Մարտիրոսյանը հարցի վերաբերյալ նշեց․«Արդարադատության նախարարությունը ներման խնդրագրերի հետ կապված հանդես կգա պաշտոնական հաղորդագրությամբ։ Այս պահին այլ մանրամասներ այդ հարցի հետ կապված չենք կարող հայտնել»:
Արդոք Մհեր Ենոքյանի ներման խնդրագիրը ստորագրել է ՀՀ նախագահը, չհաջողվեց պարզել նաև նրա կնոջից՝ Զարուհի Մեջլումյանից։ «Տեղեկություն չունեմ, իսկ եթե ունենայի, չէի կարող ասել, որովհետև դա անհատական ներման ակտ է»,- ասաց Մեջլումյանը։
Աղավնի Սուքիասյան
