16.01.2025 | 14:53
Իսրայելը ՀԱՄԱՍ-ի հետ գործարքի համար պայման է առաջ քաշել
ԱԺ կանոնակարգ-օրենքի աղմկահարույց փոփոխությունը սահմանադրակա՞ն կճանաչվի․ «Ժողովուրդ»
Քաղաքականություն
01.02.2019 | 08:53
«Ժողովուրդ» օրաթերթը գրում է․
2018թ. հոկտմբերի 2-ին նախորդ խորհրդարանի՝ «Ազգային Ժողովի կանոնակարգ օրենքում» ընդունած փոփոխությունների աղմկահարույց նախագծի վերաբերյալ Սահմանադրական դատարան ուղղված դիմումի քննությունը տեղից չի շարժվում:
Ինչպես հայտնի է, ՀՀ նախագահ Արմեն Սարգսյանն այդ օրինագծի շուրջ բարձրացած աղմուկից հետո դիմել էր Սահմանադրական դատարան, որպեսզի վերջինս քննի եւ որոշի` որքանով է ընդունված փոփոխությունը սահմանադրական:
«Ժողովուրդ» օրաթերթը պարզեց, որ դեռ այս տարվա հունվարի 22-ին պետք է սկսվեր դատաքննությունը, սակայն տեղեկացանք, որ նիստը հետաձգվել է եւ այն տեղի կունենա ապրիլի 19-ին:
Ավելին, «Ժողովուրդ» օրաթերթի տեղեկություններով` չի բացառվում, որ այդ օրենքն ի վերջո սահմանադրական ճանաչվի, եւ այս հետաձգումն էլ պայմանավորված է հենց այդ հանգամանքով, որպեսզի հիմնավորումներ գտնվեն:
Հիշեցնենք, որ այդ օրինագծով նախատեսվում է ԱԺ նիստերը պատգամավորներից անկախ պատճառներով տեղի չունենալու դեպքում համարել պարզապես ընդհատված, այլ ոչ թե չկայացած»:
