18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Դեսպան Ղևոնդյանը հանդիպել է ԲՀ ԱԺ Ներկայացուցիչների պալատի նախագահի հետ
Քաղաքականություն
31.01.2019 | 20:05
Հունվարի 31-ին կայացավ Բելառուսում Հայաստանի դեսպան Արմեն Ղևոնդյանի հանդիպումը Բելառուսի Ազգային ժողովի Ներկայացուցիչների պալատի նախագահ Վլադիմիր Անդրեյչենկոյի (Владимир Андрейченко) հետ։
Ըստ ԱԳՆ-ի տարածած հաղորդագրության՝ հանդիպմանը ներկա էին նաև ԲՀ ԱԺ Ներկայացուցիչների պալատի նախագահի տեղակալ, հայ-բելառուսական միջխորհրդարանական հանձնաժողովի բելառուսական համանախագահ Բոլեսլավ Պիրշտուկը (Болеслав Пирштук), ԲՀ ԱԺ Ներկայացուցիչների պալատի միջազգային հարաբերությունների մշտական հանձնաժողովի նախագահ Վալերի Վորոնեցկին (Валерий Воронецкий) և այլ պաշտոնատար անձինք։
«Կառուցողական և ջերմ մթնոլորտում տեղի ունեցած հանդիպման ընթացքում ԲՀ ԱԺ ստորին պալատի ղեկավարը վերահաստատեց իր երկրի հետաքրքրվածությունը Հայաստանի հետ համագործակցության ամրապնդման և զարգացման գործում։ Ըստ Վլադիմիր Անդրեյչենկոյի, երկկողմ օրակարգի առաջխաղացման հարցում իր ներդրումն ունի նաև խորհրդարանական դիվանագիտությունը, որն առավելապես դրսևորվում է Հայաստանի և Բելառուսի Ազգային ժողովների միջև համագործակցության միջխորհրդարանական հանձնաժողովի գործունեության միջոցով։
Իր հերթին հանձնաժողովի համանախագահ Բոլեսլավ Պիրշտուկի կողմից ընդգծվեց հանձնաժողովի համակարգային և սահուն աշխատանքի բնույթը, ինչպես նաև երկու պետությունների խորհրդարանականների փոխգործակցությունը միջազգային հարթակներում։
Հանդիպման ընթացքում զրուցակիցներն անդրադարձան հայ-բելառուսական հարաբերությունների օրակարգային հարցերին՝ առանձնակի ուշադրություն հատկացնելով երկկողմ միջխորհրդարանական փոխգործակցությանը»,-ասված է տարածված հաղորդագրության մեջ։
