16.11.2024 | 17:29
Պուտինի և Շոլցի հեռախոսազրույցը տևել է մեկ ժամ
Ռոբերտ Քոչարյանը դատարանում է. նա ներկա է այսօրվա նիստին. ՏԵՍԱՆՅՈՒԹ
Հասարակություն
31.01.2019 | 14:53
«Այսօր դեռևս պետք է ներկայացվի երկրորդ բողոքը, ինչպես տեղեկացված եք երկու բողոք է ներկայացվել՝ մեկը ներկայացվել է Առաջին ատյանի հրապարակման օրը, երկրորդ բողոքը դեռ պետք է ներկայացվի: Դրանից հետո պետք է լսենք առարկությունները, որից հետո դատարանը պետք է գնա խորհրդակցական սենյակ»,- այս մասին այսօր լրագրողների հետ զրույցում ասաց երկրորդ նախագահ Ռոբերտ Քոչարյանի պաշտպան Արամ Օրբելյանը:
Նա նաև հայտնեց, որ չի կարծում, թե այսօր նիստը կավարտվի. «Այսօր ես օբյեկտիվորեն չեմ պատկերացնում, որ ֆիզիկապես հասցնենք ունենալ որոշում։ Եթե կողմերը համաձայնվեն ժամը վեցից հետո աշխատանքը չավարտել, կարող է նիստը ավարտվի այսօր, և դատարանը հեռանա խորհրդակցական սենյակ»:
Նշենք, որ Ռոբերտ Քոչարյանը մասնակցում է այսօրվա նիստին: ՀՀ 2-րդ նախագահը, հիշեցնենք, կալանավորվել է դեկտեմբերի 7-ին, երբ Վերաքննիչ դատարանը անփոփոխ թողեց նախկին նախագահին կալանավորելու Առաջին ատյանի դատարանի որոշումը: Պաշտպանները վճռաբեկ բողոք են ներկայացրել: Վճռաբեկ դատարանը երեք ամսվա ընթացքում պետք է որոշում կայացնի` վարույթ ընդունել-չընդունելու մասին։
Երևանի ընդհանուր իրավասության դատարանը Ռոբերտ Քոչարյանի նկատմամբ կալանքը որպես խափանման միջոց ընտրել էր հուլիսի 27-ին: Օգոստոսի 13-ին, սակայն, Վերաքննիչ դատարանը վերացրել էր Առաջին ատյանի դատարանի այդ որոշումը՝ Սահմանադրությամբ նախագահին տրված անձեռնմխելիության հիմքով: Նոյեմբերի 15-ին Վճռաբեկ դատարանը գործն ուղարկել էր վերաքննիչ ատյան՝ նոր քննության, որի արդյունքում երկրորդ նախագահը կրկին կալանավորվել է: Վերջերս էլ Առաջին ատյանի դատարանը երկու ամսով երկարաձգեց Քոչարյանի կալանքը։ Քոչարյանը մեղադրվում է «Մարտ 1»-ի գործով սահմանադրական կարգը տապալելու համար։
Լիլիթ Շաբոյան
