11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Էներգետիկ ոլորտի ընկերությունները միավորվեցին՝ կադրային և ֆինանսական արդյունավետ աշխատանքի համար
Տնտեսություն
31.01.2019 | 13:06
Կառավարության որոշմամբ «Էներգակարգաբերում» ՓԲԸ-ն կմիավորվի «Էներգետիկայի գիտահետազոտական ինստիտուտ» ՓԲԸ-ին:
Համապատասխան որոշման նախագիծն ընդգրկված է Կառավարության հունվարի 31-ի նիստում՝ չզեկուցվող հարցերի շարքում։
Ըստ նախագծի հիմնավորման՝ միավորման նպատակը երկու ընկերությունների ռեսուրսների (կադրային, ֆինանսական և գույքային) արդյունավետ տնօրինումն է, էներգահամակարգի ընկերությունների անվտանգ շահագործմանն ուղղված աշխատանքների համակարգված և արդյունավետ կազմակերպումն է:
Նշենք, որ «Էներգակարգաբերում» ՓԲԸ-ն ստեղծվել է ՀՀ կառավարության 2003թ. որոշման հիման վրա` որպես առանձին իրավաբանական անձ առանձնացվելով «Հայէներգո» ՓԲԸ-ի կազմից: Ընկերությունը իրականացնում է էլեկտրաէներգետիկ համակարգի բոլոր ընկերություններում կարգաբերման աշխատանքներ:
«Էներգետիկայի գիտահետազոտական ինստիտուտ» ՓԲԸ-ն ստեղծվել է 1948թ-ին:
Աղավնի Սուքիասյան
