05.06.2026 | 14:09
ԱՄՆ Ներկայացուցիչների պալատը հավանություն է տվել ՌԴ-ի դեմ պատժամիջոցներին
«Քահանան ստում է». Արայիկ Հարությունյանը մանրամասնեց իր և քահանայի միջև ծագած միջադեպը. ՏԵՍԱՆՅՈՒԹ
31.01.2019 | 12:49
«Հայոց եկեղեցու պատմություն» առարկան դպրոցական ծրագրերից չի հանվելու, նախարարությունում նման հարց չի քննարկվել, այդ հարցը շահարկող հոգևոր հովիվը ստում է: Այս մասին այսօր կառավարության նիստից հետո լրագրողների հետ ճեպազրույցում հայտարարեց կրթության և գիտության նախարար Արայիկ Հարությունյանը:
«Ես կարևորում եմ բոլոր հայագիտական առարկաները, պարզապես բոլոր հայագիտական և մնացած բոլոր առարկաները վերանայվելու են, և մինչև 2023 թվականն ունենալու ենք լրիվ նոր առարկայացանկ»,- տեղեկացրեց ԿԳ նախարարը:
Լրագրողները Արայիկ Հարությունյանից հետաքրքրվեցին Արարատի մարզի դպրոցներից մեկում հոգևոր հովվի հետ տեղի ունեցած միջադեպից. «Այդ քահանան ընդհանրապես այնտեղ չի եղել: Այդ գյուղում կա տեր Դավիթ, և երբ ես այցելել եմ այդ դպրոց, այդ ընթացքում հոգևորականն է այնտեղ եկել: Ես տնօրենին հարցրել եմ՝ հոգևորականը դպրոցում ինչ գործառույթ ունի: Տնօրենն ասել է՝ դասղեկական ժաներին նրան սովորաբար հրավիրել են: Խոսակցությունը եղել է դասղեկական ժամերին նրա ներկայության հետ կապված, ինչը մեծ խնդիր է: Դասղեկական ժամերը նախատեսված են կազմակերպչական ծրագիր իրականացնելու համար, ոչ թե հոգևոր քարոզի»:
Մանրամասները՝ տեսանյութում:
