08.02.2026 | 00:58
Զանգվածային բախում՝ «Նոա» – «Աստանա» խաղում․ ՏԵՍԱՆՅՈՒԹ
«Ուազ», «Ուրալ», «Զիլ» և «Մերսեդես Բենս» մակնիշի մեքենաներ՝ ՀՀ ԱԻՆ-ից՝ Արցախին
31.01.2019 | 12:57
Հայաստանի Հանրապետության արտակարգ իրավիճակների նախարարության հաշվեկշռում հաշվառված 17 հատ «Ուազ», «Ուրալ», «Զիլ» և «Մերսեդես Բենս» մակնիշի ավտոմեքենա՝ 45 672 000 ՀՀ դրամ հաշվեկշռային արժեքով, նվիրաբերվեց Արցախին։
Համապատասխան որոշման նախագիծն ընդգրկված էր կառավարության հունվարի 31-ի նիստի օրակարգում։
Ըստ որոշման նախագծի՝ որոշման ընդունման անհրաժեշտությունը պայմանավորված է նրանով, որ այդ մեքենաները փաստացի շահագործվում են Արցախի Հանրապետության արտակարգ իրավիճակների պետական ծառայության կողմից, մինչդեռ հաշվառված է Հայաստանի Հանրապետության արտակարգ իրավիճակների նախարարության հաշվեկշռում:
Նախագծի ընդունումից մեկամսյա ժամկետում սահմանված կարգով կիրականացվի հանձնման-ընդունման աշխատանքների կատարում, իսկ բոլոր ծախսերն արվելու են Արցախի Հանրապետության արտակարգ իրավիճակների պետական ծառայության ֆինանսական միջոցների հաշվին:
Աղավնի Սուքիասյան
