18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
«Հասարակական կարծիքի ուսումնասիրման կենտրոն»-ը կլուծարվի
Քաղաքականություն
31.01.2019 | 10:35
«Հասարակական կարծիքի ուսումնասիրման կենտրոն» փակ բաժնետիրական ընկերությունը կլուծարվի։ Որոշման նախագիծն ընդգրկված է կառավարության հունվարի 31-ի նիստի օրակարգում՝ չզեկուցվող հարցերի շարքում։
Որոշման հիմնավորման համաձայն՝ «Հասարակական կարծիքի ուսումնասիրման կենտրոն»-ը լուծարելու՝ կառավարության նախաձեռնությունը պայմանավորված է այն հանգամանքով, որ համանման ծառայություններ մատուցող մասնավոր ընկերություններից պայմանագրային հիմունքներով ծառայություններ ձեռք բերելու դեպքում ՀՀ պետական բյուջեից կծախսվի անհամեմատ ավելի քիչ գումար, քան այն գումարն է, որը պետբյուջեից յուրաքանչյուր տարի տրվում է «Հասարակական կարծիքի ուսումնասիրման կենտրոն»-ին՝ ընթացիկ ծախսերը հոգալու և կանոնադրական խնդիրները լուծելու համար:
Նշենք, որ «Հասարակական կարծիքի ուսումնասիրման կենտրոն»-ը լուծարելու նախագիծը մշակվել է ՀՀ հանրային հեռուստառադիոընկերության խորհրդի, Տրանսպորտի, կապի և տեղեկատվական տեխնոլոգիաների, Արդարադատության, Ֆինանսների, Տնտեսական զարգացման և ներդրումների նախարարությունների կողմից:
Աղավնի Սուքիասյան
