28.09.2026 | 17:34
Ռուսական ԱԹՍ-ն հարվածել է Կիևում Ուկրաինայի Գիտությունների ազգային ակադեմիայի շենքին․ ՏԵՍԱՆՅՈՒԹ
«Շիրակի հանրային հեռուստառադիո» ՓԲԸ-ն կլուծարվի
Քաղաքականություն
31.01.2019 | 10:25
«Շիրակի հանրային հեռուստառադիո» ՓԲԸ-ն կլուծարվի։ Համապատասխան որոշման նախագիծն ընդգրկված է կառավարության հունվարի 31-ի նիստում, չզեկուցվող հարցերի շարքում։
Ըստ որոշման նախագծի՝ 2016 թվականի հոկտեմբերի 26-ից Հայաստանի Հանրապետության տարածքում անջատվել է անալոգային հեռարձակումը և ամբողջությամբ անցում է կատարվել թվային հեռուստատեսային հեռարձակման:
««Շիրակի հանրային հեռուստառադիո» փակ բաժնետիրական ընկերությունը լուծարելու՝ ՀՀ կառավարության նախաձեռնությունը պայմանավորված է այն հանգամանքով, որ ընկերությունն առայսօր իրականացնում է անալոգային հեռարձակում և այդ պատճառով չի կարողանում ապահովել լայն լսարան, իսկ թվային հեռարձակում իրականացնելու համար առաջնահերթ կպահանջվի համապատասխան օրենսդրական կարգավորում և զգալի ֆինանսական ներդրումներ, ինչն այս պահին անիրատեսական է»,- ասված է որոշման նախագծում:
Որոշման նախագծի ընդունումից հետո ՀՀ տնտեսական զարգացման և ներդրումների նախարարության պետական գույքի կառավարման կոմիտեի նախագահի գլխավորությամբ 15-օրյա ժամկետում կստեղծվի լուծարման աշխատանքներն իրականացնող հանձնաժողով։
Աղավնի Սուքիասյան
