03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Վարդենիսի համայնքի ղեկավարի համար 9 թեկնածու կպայքարի. ՔՊ-ն դաշտն ազատ է թողել. «Ժողովուրդ»
Քաղաքականություն
31.01.2019 | 10:40
«Ժողովուրդ» թերթը գրում է.
Ինչպես հայտնի է, փետրվարի 17-ին տեղի կունենան ՏԻՄ ընտրություններ: Համայնքի ղեկավարի ընտրություններ են սպասվում նաև Գեղարքունիքի մարզի Վարդենիս քաղաքում: «Ժողովուրդ» օրաթերթը տեղեկացավ, որ գրանցված թեկնածուները ինն են՝ ՔՊ կուսակցության անդամ Վահան Զարոյանը, անկուսակցականներ, ՀՀ ԿԱ անշարժ գույքի կառավարման կոմիտեի Վարդենիսի սպասարկման գրասենյակի աշխատակից Գրիշա Աղաջանյանը, ԱՁ տնօրեն Արսեն Ամիրխանյանը, Վարդենիս համայնքի ղեկավարի օգնական Արկադի Խաչատրյանը, «Վարդենիսի քարհանքերի վարչություն» ԲԲԸ նախագահ, Վարդենիսի նախկին քաղաքապետ Վոլոդյա Խլոյանը, Վարդենիս համայնքի ղեկավարի ժամանակավոր պաշտոնակատար Արամ Մելքոնյանը, Վարդենիս համայնքի ղեկավարի տեղակալ Կարեն Մկրտչյանը, «Վարդենիս հայրենակցական միության» նախագահ Գարսևան Սաղաթելյանը և աշխատանքային հասցե չունեցող Գևորգ Սիմոնյանը:
Նշենք, որ բոլորն ինքնաառաջադրված են, ու իշխող ուժը ոչ ոքի չի սատարում, և դաշտն ազատ է թողնված: Ավելին, մեր տեղեկություններով` խիստ հրահանգ է առկա, որ մարզային և տեղական չինովնիկները ոչ մի կերպ չխառնվեն ընտրություններին և դաշտն իրապես ազատ թողնեն:
Առավել մանրամասն՝թերթի այսօրվա համարում:
