20.05.2026 | 10:16
Նարեկ Կարապետյանը շարունակում է պնդել, որ միայն ՀՀ քաղաքացի է
Վալերի Օսիպյանը հանդիպում ունեցավ քաղաքացիների հետ
30.01.2019 | 22:12
Հունվարի 30-ին ոստիկանության պետ Վալերի Օսիպյանը հանդիպում ունեցավ քաղաքացիների հետ։ Նրանք ոստիկանության պետին ներկայացրին դիմումներ, բողոքներ, առաջարկություններ։
Քաղաքացիների դժգոհությունները հիմնականում կապված էին նախկինում տեղի ունեցած հանցագործությունների բացահայտման հետ, ոմանք էլ դժգոհում էին, որ տուժել են ոստիկանության ծառայողների կամ այլ գերատեսչությունների աշխատակիցների գործողություններից կամ անգործությունից։
Բարձրացրած որոշ հարցեր ոստիկանության իրավասությունից դուրս էին, որոնց լուծման համար քաղաքացիներին առաջարկվեց դիմել համապատասխան մարմիններ։
Վալերի Օսիպյանը հանձնարարեց ուսումնասիրել բողոքները, պատշաճ լուծում տալ հարցերին՝ արդյունքների մասին քաղաքացիներին պարտադիր տեղեկացնելով։
Որոշ խնդիրներով ոստիկանության պետը տեղում կապ հաստատեց իրավասու պաշտոնյաների հետ և տվեց կոնկրետ հանձնարարականներ։
Հիշեցնենք, որ ՀՀ ոստիկանության պետը ամիսը մեկ անգամ հանդիպումներ է ունենում քաղաքացիների հետ։
Ընդունելություններին մասնակցել ցանկացողները կարող են նախօրոք հեթագրվել ՀՀ ոստիկանության ընդունարանում, հասցեն՝ Նալբանդյան 130։
