28.09.2026 | 17:10
Նեթանյահուն հրահանգել է Էրդողանի դեմ հայց պատրաստել՝ Միջազգային քրեական դատարան ուղարկելու համար
Արարատ Միրզոյանն ընդունել է NDI-ի և IRI-ի հայաստանյան մասնաճյուղերի ներկայացուցիչներին
Քաղաքականություն
30.01.2019 | 18:43
ՀՀ Ազգային ժողովի նախագահ Արարատ Միրզոյանը հունվարի 30-ին ընդունել է Միջազգային Գործերի Ազգային Ժողովրդավարական Ինստիտուտի և Միջազգային Հանրապետական ինստիտուտի հայաստանյան մասնաճյուղերի ներկայացուցիչներին:
Հյուրերը շնորհավորել են Արարատ Միրզոյանին Ազգային ժողովի նախագահի բարձր պաշտոնում ընտրվելու առթիվ:
Արարատ Միրզոյանը շնորհակալություն է հայտնել միջազգային գործընկերներին արտահերթ խորհրդարանական ընտրությունների նախապատրաստման ընթացքում Հայաստանում քաղաքական նոր մշակույթի ձևավորման գործընթացին ցուցաբերված աջակցության համար:
Միջազգային Գործերի Ազգային Ժողովրդավարական Ինստիտուտի հայաստանյան ներկայացուցչության տնօրեն Լորա Նիքըլսը և Միջազգային Հանրապետական ինստիտուտի Եվրոպայի և Եվրասիայի հարցերով գլխավոր խորհրդական Քրիս Հոլցընը Ազգային ժողովի նախագահին ներկայացրել են իրենց կազմակերպությունների մանդատն ու հետաքրքրվել Ազգային ժողովի կարիքների և առաջիկա անելիքների մասին:
Արարատ Միրզոյանն ուրվագծել է որոշ առաջնահերթություններ Ազգային ժողովի ինստիտուցիոնալ կարողությունների զարգացման ուղղությամբ:
Միջազգային գործընկերները, հաջողություն մաղթելով նորընտիր խորհրդարանին, իրենց պատրաստակամությունն են հավաստել սերտ համագործակցության և կարիքների գնահատման հիման վրա ծրագրերի իրականացման հարցում:
