01.11.2024 | 23:19
Հրդեհ Գյումրու տներից մեկում
«Կառավարության առաջիկա քայլերից մեկը քաղծառայության համակարգի վերանայումն է»․ Տիգրան Ավինյան. ՏԵՍԱՆՅՈՒԹ
Հասարակություն
30.01.2019 | 18:37
ԵՄ-ի կողմից ֆինանսավորվող երիտասարդ փորձագետների՝ «YES Armenia» ծրագրի պաշտոնական փակման պաշտոնական արարողությանը ներկա էր ՀՀ փոխվարչապետ Տիգրան Ավինյանը։
Փոխվարչապետը շնորհավորեց ծրագրի մասնակիցներին և հույս հայտնեց, որ երիտասարդության աջակցությունը Հայաստանի կառավարմանը միայն այս ծրագրով չի սահմանափակվի։
«Տարիներ շարունակ պետական համակարգում աշխատանքը գրավիչ չի եղել տաղանդավոր և աշխատասեր երիտասարդների համար՝ քաղաքական որոշումների կայացման վրա ազդեցություն ունենալու, ցածր աշխատավարձի և կարիերայի առաջընթացի բացակայության պատճառներով։ Կարծում եմ՝ «YES Armenia» ծրագիրը կոտրեց այդ կարծրատիպը»,- ընդգծեց Ավինյանը։
Փոխվարչապետը վստահեցրեց, որ կառավարության առաջիկա քայլերից մեկը քաղծառայության համակարգի վերանայումն է։ Նա նաև հույս հայտնեց, որ առաջիկայում ԵՄ-Հայաստան հարաբերություններն ավելի կընդլայնվեն և համագործակցությունն ավելի կխորանա։
Հիշեցնենք, որ «YES Armenia» ծրագիրը մեկնարկել է 2017 թվականի դեկտեմբերին և հնարավորություն տվել 21 երիտասարդ փորձագետի աշխատել տարբեր նախարարություններում և պետական հաստատություններում։
Ծրագրի ավարտին ներկայացվել են նախագծեր 11 ոլորտներում՝ գյուղատնտեսությունից և զբոսաշրջությունից մինչև կրթություն և վերականգնող էներգետիկա։
Նելլի Մելքոնյան
