03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
2019 թ.-ի համար ՊԵԿ պարգևավճարների ֆոնդն ուղիղ կիսով չափ կրճատվել է․ Նիկոլ Փաշինյան․ ՏԵՍԱՆՅՈՒԹ
Քաղաքականություն
30.01.2019 | 18:34
ՀՀ վարչապետ Նիկոլ Փաշինյանն այսօր նախագահական նստավայրում լրագրողների հետ ճեպազրույցում անդրադարձավ պարգևավճարների թեմայով «Իմ քայլը» խմբակցությունում ՊԵԿ նախագահ Դավիթ Անանյանի հետ տեղի ունեցած քննարկմանը և նշեց, որ դա աննախադեպ է։
Անդրադառնալով պարգևավճարների թեմայով նախկին իշխանությունների հետ համեմատություններ անցկացնելուն, Նիկոլ Փաշինյանն ասաց. «Չգիտեմ, թե նախկինում կար մարզպետ, ում համար 400-600 հազար դրամ աշխատավարձը կարևոր էր, թե՝ ոչ, բայց այսօր մարզպետների 90 և ավելի տոկոսի համար այդ աշխատավարձը կարևոր է»:
Վարչապետը նշեց, որ 2019 թվականի համար ՊԵԿ պարգևավճարների ֆոնդն ուղիղ կիսով չափ կրճատվել է, փոխարենն իրենք այլ բան են արել:
«Ամբողջ պետական կառավարման համակարգի համար բոլոր գերատեսչությունների համար հավասար 30 տոկոս պարգևատրման ֆոնդ ենք սահմանել, և հույս ունեմ, որ այս պրոցեսը մինչև վերջին անկյունը կբացվի, կիմանանք, թե ով ինչ է ստացել, և կունենանք քննարկում, թե ինչպես ենք վարվում»,- նշեց նա:
Մանրամասները՝ տեսանյութում։
Աղավնի Սուքիասյան
