14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
«Պարտեզ» ռեստորանի մոտ տեղի ունեցած սպանության գործով հարցաքննվել է Գագիկ Ծառուկյանի որդին
Հասարակություն
30.01.2019 | 17:33
«Փաստինֆո»-ի տեղեկություններով՝ հունվարի 29-ին «Պարտեզ» ռեստորանային համալիրի մոտ տեղի ունեցած զինված միջադեպի գործով հարցաքննվել է Գագիկ Ծառուկյանի որդին՝ Նվեր Ծառուկյանը։ Մեր տեղեկությունները հաստատեց նաեւ ՀՀ ՔԿ նախագահի խորհրդականը։
Հիշեցնենք, որ զինված միջադեպի ժամանակ արձակված կրակոցների հետևանքով սպանվել է Աբովյանի քաղաքի բնակիչ Արտաշես Գևորգյանը՝ ծնված 1989թ., ևս 7 անձ՝ ստացել տարբեր աստիճանի վնասվածքներ։
Մեր տեղեկություններով՝ միջադեպի հետեւանքով տուժածները հիմնականում ԱԺ նախկին պատգամավոր «Շշի Մելո» մականվամբ հայտնի Մելիք Մանուկյանի հարազատներն են՝ սպանվածը կողմնակիցներից է, իսկ վիրավորների թվում՝ զարմիկներն են։ Հակառակորդ կողմից տուժել է երկու անձ։
Մեզ հաջողվեց պարզել, որ վիճաբանությունն ունեցել է նախապատմություն։ Մինչ այդ երիտասարդները՝ նախկին պատգամավորի հարազատները, գնացել են վուլկանիզացիա, որն սեփականատիրոջ անունը շրջանառվում է որպես ԲՀԿ առաջնորդ Գագիկ Ծառուկյանի կողմնակից։ Վուլկանիզացիայում հրաժարվել են նրանց սպասարկել իրենց հետ լավ տոնով չխոսելու, ապա նաեւ աշխատանքային ժամը ավարտվելու պատճառաբանությամբ, որի պատճաով առաջացել է վիճաբանությունը, ինչը արդեն շարունակվել է ավելի ուշ՝ ռեստորանի մոտ։ Ընդ որում՝ կողմերը հերթական պարզաբանմանը ներկայացել են արդեն զինված։
Համենայն դեպս՝ Քննչական կոմիտեի պաշտոնական հաղորդագրության համաձայն՝ դեպքի վայրի զննությամբ հայտնաբերվել է տարբեր տրամաչափի պարկուճներ, ինչը նշանակում է, որ օգտագործվել է տարբեր տեսակի հրազեն։
Քննչական կոմիտեն պաշտոնապես հայտնել է, որ ձերբակալվել է երկու անձ։ «Փաստինֆո»-ի տեղեկություններով՝ ձերբակալվածների թվում է Մելիք Մանուկյանի որդին, ով կասկածվում է խմբի կազմում խուլիգանություն անելու մեջ։ Իսկ մյուս ձերբակալվածն առնչություն ունի Ծառուկյանի կողմնակիցների հետ։ Նա կասկածվում է սպանության փորձի եւ զենքի գործադրմամբ խուլիգանության մեջ։ Այլ խոսքով՝ նա է եղել հրազեն կիրառողներից մեկը։
Թե ինչ առնչություն ունի Ծառուկյանի որդին նշված միջադեպի հետ առայժմ հայտնի չէ։ ՀՀ քննչական կոմիտեից հայտնեցին, որ քրգործի շրջանակներում հարցաքննվել են բազմաթիվ անձինք, նրանց թվում նաեւ Ծառուկյանի որդին։ Մեզ հաջողվեց պարզել, որ նրա տանը կատարվել է նաեւ խուզարկություն։ Ավելին՝ խուզարկվել է նաեւ նախկին պատգամավորի տունը։
