08.02.2026 | 14:20
Շարունակում է լայն տարածում ստանալ այն միֆը, որ «ՊՆ Նոկիա» հեռախոսը ամենաանվտանգն է․ Սամվել Մարտիրոսյան
ՀՀ կառավարության և ԿԽՄԿ միջև ստորագրվեց ՀՀ-ում ԿԽՄԿ կարգավիճակի մասին համաձայնագրում փոփոխություններ կատարելու մասին արձանագրություն
Քաղաքականություն
30.01.2019 | 16:52
Հունվարի 30-ին ՀՀ արտաքին գործերի նախարարությունում Հայաստանի Հանրապետության կառավարության և Կարմիր խաչի միջազգային կոմիտեի միջև ստորագրվեց Հայաստանի Հանրապետությունում Կարմիր խաչի միջազգային կոմիտեի կարգավիճակի մասին համաձայնագրում փոփոխություններ կատարելու մասին արձանագրություն. տեղեկացնում է նախարարության լրատվական ծառայությունը:
Արձանագրությունը ստորագրեցին հայկական կողմից արտգործնախարար Զոհրաբ Մնացականյանը և Կարմիր խաչի միջազգային կոմիտեի կողմից՝ Հայաստանում Կարմիր խաչի միջազգային կոմիտեի պատվիրակության ղեկավար Քլեր Մեյթրոն:
Արձանագրության նպատակն է կատարել փոփոխություններ 1993 թվականի նոյեմբերի 5-ին ստորագրված` Կարմիր խաչի միջազգային կոմիտեի և Հայաստանի Հանրապետության Կառավարության միջև` Հայաստանի Հանրապետությունում Կարմիր խաչի միջազգային կոմիտեի կարգավիճակի մասին համաձայնագրում՝ լրացնելով հոդվածներ՝ ԿԽՄԿ գրագրության և փաստաթղթերի անձեռնմխելիությանը վերաբերող, ինչպես նաև ԿԽՄԿ կողմից անձնական տվյալների մշակումը կանոնակարգող նոր դրույթներով:
