03.04.2026 | 11:05
Նախիջևանի համազորային բանակի զինծառայողները մեկնել են Թուրքիա՝ մասնակցելու «Հեյդար Ալիև-2026» զորավարժություններին
Մոսկվայի և Երևանի հարաբերություններում կանխատեսելիությունը կարևոր է. ՌԴ ԱԳ փոխնախարար
Քաղաքականություն
30.01.2019 | 15:45
Հայաստանի եւ Ռուսաստանի հարաբերություններում կարևոր են կանխատեսելիությունն ու միմյանց մտադրությունների ըմբռնումը: Հունվարի 30-ին Երեւանում լրագրողների հետ զրույցում ասաց ՌԴ ԱԳ փոխնախարար Գրիգորի Կարասինը:
Ռուսաստանցի պաշտոնյան Հայաստանում է աշխատանքային այցով: Երեկ արդեն հանդիպել է ՀՀ ԱԳ նախարար Զոհրաբ Մնացականյանի հետ: «Հայաստանի արտգործնախարարի հետ հանգամանալից զրույց ենք ունեցել, քննարկել ենք երկկողմ հարաբերություններին առնչվող բոլոր հարցերը»,- նշեց Կարասինը:
Նա նշեց, որ հարաբերություններն ակտիվ զարգանում են ինտեգրացիոն միավորումների շրջանակում, երկու երկրները համագործակցում են նաև միջազգային հարթակներում:
«Երկու կողմն էլ լավ հասկանում են, որ հարաբերույթուններում կարևոր են կանխատեսելիությունը, կայունությունը, բաց աշխատաոճն ու միմյանց մտադրությունների ըմբռնումը: Մենք պայմանավորվեցինք սերտ կապեր հաստատել և համակարգել, այդ թվում՝ միջազգային հարթակներում»,- ասաց Կարասինը:
